與娘親對話（四）

有一晚，媽媽和我談起從前的同學。

媽：你睇阿邊個邊個，而家讀醫喇，第日做醫生。
我：梗係啦，人哋以前讀書都係攞E嘅，梗係做E生啦，我呢啲次次都攞A嘅，就梗係唔做E生做A生啦。
媽：…………

與娘親對話（三）

一晚我和媽媽討論我穿甚麼顏色的衣服好看。

我：我都係唔鍾意着藍色，下身又係著藍色，唔好睇。
媽：藍色咪好囉，你不嬲都係藍精靈嚟架啦。
我：我都知我係「十分勁」嘅。（和我同年代的朋友，應該知道當年藍精靈的主題曲歌詞，有一句是「藍精靈，十分勁」的）
媽：我係話你「叫你做嘢冇反應，一講食嘢好知醒」咋。（同樣出自歌詞）
我：…………